14 декабрҙә Башҡортостанда республика Башлығы Радий Хабировтың указына ярашлы Башҡорт теле көнө байрам ителә

14 декабрҙә Башҡортостанда республика Башлығы Радий Хабировтың указына ярашлы Башҡорт теле көнө байрам ителә. Был көн йыл һайын башҡорт халҡының бөйөк шағиры, мәғрифәтсеһе Мифтахитдин Аҡмулланың тыуған көнөндә үткәрелә. Быйыл республиканың Милли музейы башҡорт теле көнөнә арналған «Халҡым теле – хаҡлыҡ теле» республика этнографик музей проекты исемле акция иғлан итте. Был проект сиктәрендәге саралар 1декабрҙән 14 декабргә тиклем үтә. Беҙҙең музей Башҡорт теле көнөнә арналған музей акцияһына ҡушыла һәм бөгөн беҙ һеҙҙе “Башҡорт милли эсемлеге ҡымыҙ” исемле экскурсияға саҡырабыҙ.